المعلم ميمى وسواق الأتوبيس

خاف من الشكل والرفض حاجة تانية

المعلم ميمى وسواق الأتوبيس

المعلم ميمى وسواق الأتوبيس

بداية الحكاية مع السواق

السواق رايح  الشغل زى كل يوم وراح ركب الاتوبيس وشغل اغنيتة المفضلة والدنيا حلوة وجميلة وبعدين فى الطريق ركب شاب عملاق عضلات وشنبات يقف عليها الصقر, وبعدين عم السواق طلب الاجرة من الشاب اللى بص لية بصة خوق وقال لية المعلم ميمى مش بيدفع تذكرة.

• عملة الكلمة زى الأفلام مصلحة
• بس السواق خاف وكمل بالأتوبيس
• وقال فى نفسة يوم ويعدى

تانى يوم وعم السواق زى كل يوم راح الشغل وركب الأتوبيس وعند المحطة بتاعة امنبارح ركب الشاب العملاق, وبردو لما عم السواق طلب منة الأجرة قال لية نفس الكلمة المعلم ميمى مش بيدفع تذكرة.

1. عم السواق كان خايف بردو
2. بس كان زعلان اوى وعايز يعمل حاجة
3. ما هو مش معقول كل يوم كدة اشيل تمن التذكرة

السواق طلعت فى دماغة يلعب رياضة

السواق قال بقى هو عشان الواد عضلات وبيتاع بيخوفنى وكل يوم مش بيدفع التذكرة كان لازم اشوف حل, وأبتدى عم السواق يتعلم كراتية ويشيل حديد وفضل على هذا الحال حوالى سنة ونص واللى كان بردو بيحصل معاة نفس الموقف.

السواق أتغير والشجاعة جت

وبعد سنة ونص تدريب السواق بقى حاجة تانية خالص وحس بنفسة والخوف راح منة وهو قاعد فى سطح بيتة وعينة على القمر مع اغنية رومانسية, وبيكلم نفسة لازم بكرة أخد موقف من الواد بتاع العضلات بس يبجى وهيشوف.

 اللحظة المذهلة مع السواق والمعلم ميمى

راح السواق على الشغل مثل كل يوم  وكان كل اللى شاغل دماغة المعلم ميمى, وعند نفس المحطة ركب المعلم ميمى الأتوبيس وهنا السواق بص لية بغضب وسعادة فى النفس الوقت, وراح علية وقال لية تذكرة يامعلم ورد علية المعلم ميمى زى كل يوم المعلم ميمى مش بيدفع تذكرة.

قام عم السواق مسكة من القميص عند رقبتة, وقال لية أدفع يا أبنى بالذوق أنت حر, بص لية المعلم ميمى وقال لية جرى اية ياسواق ما انا بقالى شهور وانت عارف انى مش بدفع تذكرة أشمعنا النهاردة مالك بقيت عصبى كدة, قال لية هتدقع النهاردة وأنت حر, بص المعلم ميمى وقال لية المعلم ميمى مش بيدفع تذكرة عشان معايا أشتراك سنوى هههه أضحك من قلبك

فى الختام

 والله حكاية عجيبة وغريبة فى نفس الوقت يعنى كلمة لو كان قالها فى الاول كان خلص السواق من الخوف منة اللى عمال يقتل فية فى صمت, ولو السواق كان شجااع شويا كان سالة فى جدود الادب وبراحة لية مش بتدفع تذكرة لكن الخوف كان مسيطر علية من  شكل المعلم  ميمى عضلات وهو استفاد وبقى رياضى.

المعلم ميمى وسواق الأتوبيس